AVERTÜRA 2018: 17 GÜN - 21 OCTOBER 14.00 - 17.00 (lündeschdi e sonda serrà). Visitas specialas pon gnir organisadas tras Scuol Turissem o directamaing tras il president Peder Rauch, 081 864 07 90 / 081 864 06 18 (S-charl a partir da gün) obain 079 930 68 69.
Construcziun
L'on 1987 es gnüda fondada la Fundaziun Schmelzra S-charl. Ün böt principal es stat l'erecziun d'ün museum. La dumonda d'eira: ingio? Cun stainta e fadia s'haja ragiunt cullas instanzas chantunalas ed in ultim culla "Società chantunala per la cultura" da pudair erriger illas ruinas veglias da la Schmelzra ün museum.
Subit s'haja contactà cull'"Associaziun chantunala d'impressaris". Quella ha miss a disposiziun giarsuns da tuot il Chantun chi han refabrichà las müraglias da la chasa d'administraziun da Hitz (1811-1829).
Cun differentas otras associaziuns ed intrapraisas da giarsuns s'haja eir pudü trattar per organisar chomps da lavur. Uschè s'ha eir ingaschada "L'associaziun da maranguns dal Chantun Turich" per far las lavuors in lain. La scoula da giarsuns da Wetzikon sco eir l'Impraisa electrica Scuol han miss a disposiziun giarsuns electrikers. Uschè s'haja cumanzà a fabrichar il museum. Davo 10 ons, l'on 1997, es il museum gnü inaugurà.
Quia alch impressiuns fotograficas da la construcziun 1987-1989:
