Lavuors previssas 2023
Plan da survista
Ingrondimaint dal museum in collavuraziun culla Biosfera Val Müstair/Parc Naziunal/Scuol
Nus tscherchain fautuors chi güdan a pajar nossas lavuors. Banca chantunala Grischuna: IBAN CH40 0077 4155 1265 2020 0 (Fundaziun Schmelzra S-charl)
Ils giarsuns rivan quist on a far lavuors vi da las ruinas. La survaglianza da las lavuors ha Silvio Zini, Strada e la protecziun da monumaints chantunala.
L'organisaziun "Baumeisterverband Zürcher Oberland BVZO" nu spordscha plü lavuors cun lur giarsuns. La "Fundaziun Schmelzra S-charl" ingrazcha a la BVZO per lur ingaschamaint dürant divers ons.
Nouv as metta a disposiziun la "Berufsschule Winterthur" cun üna sporta.
Quia üna survista fotografica da las lavuors da plüs ons.
 |
 |
 |
 |
 |
 |
Masüraziun da las minieras
Üna lavur da pionier per minieras
Dürant ils ons 2003 fin dal 2007 han ils miniers da S-charl insembel culla Società svizra per la perscrutaziun da cuvels, masürà tuot il sistem acessibel da las minieras al Mot Madlain e dal Cuogn Nair. In quists 5 ons han gnü lö chomps da lavur dad ün'eivna, ingio cha 5-6 gruppas à 3 persunas han masürà tuot il sistem da gallavias. Causa cha quai d'eiran ons da süttina, impustüt 2005 e 2006, s'haja pudü rivar in lös chi d'eiran normalmaing suot aua. Uschè s'haja masürà totalmaing ca. 13 km. Quist resultat es avant man digitalmaing e fuorma ün documaint fich important illa perscrutaziun da minieras. I's po dir cha quai es üna lavur da pionier cha'ls Miniers da S-charl han prestà insembel culla società da cuvels SGH (Schweizerische Gesellschaft für Höhlenforschung).
Quia ün per impressiuns fotograficas da la lavur:
 |
 |
 |
 |
 |
 |
 |
 |
 |
 |
 |
 |
Progets
Batter munaida
Quist proget es fingià lönch ün giavüsch chi nun es amo realisà.
Documentaziun da scoula
Üna documentaziun sco mez da scolaziun per scoulas es eir ün proget chi nun ha amo pudü gnir realisà. Quist dess succeder in collavuraziun cun magistras/magisters.
Ingrondimaint dal museum
Per pudair realisar exposiziuns ambulantas, faja dabsögn d'ingrondir il museum. Quai dess la pussibiltà da spordscher annualmaing ün tema specific chi pudess muossar tscherts temas plü chafuol. Implü esa previss da s-chaffir ün local per la scienza.
Ün model da quist ingrondimaint muossa l'intenziun:
 |
 |
 |
 |
 |
 |
 |
 |
 |
 |
 |
Salvamaint
Per garantir la sgürezza da las activitats aint illas gallarias, ha organisà la fundaziun l'on 2006 ün cuors da salvamaint aint illas minieras. Quist cuors es gnü fat in cooperaziun cul CAS (Club alpin) e culla pulizia chantunala. Da la partida eiran:
- Ils Miniers da S-charl
- La Società svizra per la scienza da cuvels
- Il Club Alpin svizzer, secziun Engiadina Bassa
- La polizia Chantunala, secziun Engiadina Bassa
Quia ün per impressiuns fotograficas da quist cuors:
