Excursiuns turisticas
Seguaintas excursiuns vegnan sportas:
Excursiun normala cun tenü da gitas, chaplina e glüm. Pussibel per minchün.
- Mincha macurdi, da gün fin october
- Partenza 08.15 davent da S-charl (arriv da l'auto da post 08.15
- Tenü: da gitas cun s-charpas da gitas
- Ruta: S-charl - Minieras ca. 1 ura e mez
- Visita da la miniera ca. 30 minutas
- Retuorn fin S-charl ca. 1 ura
- Visita dal museum es cumprais aint il predsch
- Creschüts fr. 42.- cun carta da giast fr. 32.00
- Uffants fin 12 ons fr 19.00
Annunzchas: direct tras Scuol Turissem 081 861 88 00 il di avant fin las 17.00
o tras ils Miniers da S-charl.
Guidas seguond giavüsch, listess urari o seguond cunvegna: Annunzcha direct pro Peder Rauch, 081 864 06 18 / 079 930 68 69 (S-charl).
Gitas d'aventüra: Mardi, annunzcha pro Peder Rauch, 081 864 06 18. Pro simlas gitas survain minchün ün vesti (overall), protecziuns da la schnuoglia ed üna glüm speciala. Ils predschs varieschan seguond la partecipaziun. Eir quista gita po gnir organisada seguond cunvegna cul manader.
peder.rauch@gmail.com
Survista fotografica da l'excursiun normala
 |
 |
 |
Excursiun d'aventüra
Quist'excursiun maina plü chafuol aint illa gallaria e düra eir plü lönch. Minchün survain ün tenü special, protecziuns da la schnuoglia, chaplina e glüm.
L'excursiun ha lö mincha mardi, da gün fin october.
- Partenza da S-charl 08.30
- S-charl - Minieras 1 ura e mez
- Trar aint il tenü special
- Gita aint illa miniera ca. 1.5 - 2 uras (premissa es chi nu s'haja temma dad ir suot terra - claustrofobia)
- Fotografia da la gruppa (algordanza)
- Partenza Minieras - S-charl
- Visita dal museum es cumprais aint ils cuosts
- 2 - 8 persunas maximum (ils cuosts as drizzan davo la partecipaziun)
Annunzcha: tras Scuol turissem 081 861 88 00 di avant fin las 17.00
o tras ils Miniers da S-charl cul talun quia suotvart
Fotografias da l'excursiun d'aventüra
 |
 |
 |
 |
 |
 |
 |